疫情之前，西澳係我最後一次長途旅程，拍左好多片段，最近我終於製作好７條短片！首先，分享比大家係我最喜歡行程之一，就係出海撈龍蝦食劏即食。
Mandurah Cruises 即撈即食龍蝦🦐 之旅。呢個 3 小時非一般嘅海上體驗，主打就係帶你出海捉龍蝦 ，仲有機會畀你親自操作撈捕機器，當見到龍蝦上水一刻，大家都會興奮得尖叫😱 ！另外，船長會介紹龍蝦生活習性，點樣分公毑，捕捉嘅機制同埋點樣喺賺錢同生態之間取得平衡，實踐永續旅遊概念。
遊船回程時會慢駛入運河，期間船上廚師會炮製龍蝦兩食 - 刺身毋須調味，新鮮美味，肉質鮮甜；另一食法係以特製醬汁燒烤烹調，惹味可口又juicy。呢餐海鮮宴，仲有生蠔 、三文魚 刺身、鮮蝦，仲有本土啤酒紅白酒等🍺 ，相當豐富，食到舐舐脷呀 !
想知道更多玩樂資訊？ Click 入去睇啦👉
https://www.westernaustralia.com/tcn
Search